Brendimi i busit te Teatrit te Gjilanit

Organizata joqeveritare ANAMOUR, në kuadër të projektit “Teatri kudo”, të përkrahur nga Drejtoria për Kulturë, Rini dhe Sport – Gjilan, ka realizuar brendimin e busit të Teatrit të Qytetit të Gjilanit, si dhuratë për këtë institucion të rëndësishëm kulturor.

Ky kombibus i brenduar nuk do të shërbejë vetëm për transportin e trupës teatrore, por edhe si mjet promovues dhe prezantues i projekteve teatrore të Teatrit të Qytetit. Përmes këtij mjeti unik, synohet që në hapësirat urbane të qytetit të promovohen shfaqjet e ndryshme,duke filluar nga ato të fëmijëve, premierat e reja dhe aktivitetet kulturore, duke e bërë teatrin më të pranishëm dhe më afër publikut.

Puna e palodhshme dhe prania e Teatrit të Qytetit në jetën kulturore të Gjilanit tashmë pasurohet edhe me një element të ri identifikues dhe estetik, që e bën ins titucionin edhe më të dukshëm e më bashkëkohor.

Ky aktivitet përfaqëson edhe një shembull të mirë të bashkëpunimit ndërmjet sektorit joqeveritar dhe institucioneve publike kulturore, me qëllim të fuqizimit dhe promovimit të artit dhe krijimtarisë lokale.